Ако барате ефективен тренинг што можете да го направите дома, без опрема, без врева и без скокање, тогаш Меди, позната како MadFit, има идеално решение.
30-минутен тренинг за целото тело, специјално дизајниран за жени кои живеат динамично, но сепак сакаат да си посветат време себеси и да ја обликуваат силуетата.
Вежбите не се повторуваат, што значи дека нема да ви биде здодевно и не ви е потребна посебна опрема само удобна облека. Движењата не се со скокање, па ќе ги примамат и оние кои сакаат да си ги заштитат зглобовите или да не ги вознемируваат соседите со галама.
Тренингот е совршен за утринско будење, попладневна пауза или вечерна доза на енергија. Ќе го активирате целото тело, ќе ја раздвижите циркулацијата и ќе почувствувате дека сте направиле нешто убаво за себе.
Дозволете си 30 минути што се целосно ваши.
