Зухаир Мурад ги маѓепса присутните гости на неговата најнова ревија во Париз.
Славниот либански дизајнер, чии креации се дел од секој холивудски црвен тепих, ја презентираше новата колекција висока мода со модно шоу кое измами само воздишки.
Инспирацијата Мурад ја црпеше од француската ривиера во „Belle-Epoque“ – епоха во европската историја која се смета за безгрижна, слободна и убава, а траеше некаде помеѓу 1870 до 1880 година.
„Колекцијата 'The Exquisite Dynasty' ја доловува слободата на азурните и златни денови на француската ривиера, исполнети со смеа, тајни и сензуалност. На улиците на најмитскиот залив во светот, млади жени се возат на веспи, велосипеди и кабриолет, со коса скротена во сламен шешир или свилена марама, а понекогаш врзани во пунџа или разлеани на ветрот“ – пишуваат од модната куќа.
