Зоран Заев заедно со неговата сопруга Зорица се во официјална посета на Австрија. По средбата со канцеларот Себастијан Курц, македонскиот премиер беше поканет да присуствува на Виенскиот бал, кој оваа година се одржа по 63. пат.
На гламурозната свеченост, Зоран и Зорица Заеви пристигнаа заедно со Курц и неговата девојка Сузан. Тие го проследија престижниот бал покрај австрискиот претседател Александер Ван дер Белен и првата дама Дорис Шмидауер.
За оваа пригода, Зорица избра црна тоалета со чипка, додека Сузан се појави во црвен долг фустан.
