Жените обожаваат да се дотеруваат, да изгледаат привлечно и да добиваат комплименти. Иако се верува дека најголемата мотивација на жените да се дотеруваат е привлекувањето на машкото внимание, ново истражување тврди дека тоа не е вистина.
Најголем дел од жените со часови го усовршуваат својот изглед, но не за да добијат комплимент од мажи, туку за да добијат комплимент од друга жена.
Две третини од жените преку дотерувањето се обидуваат да изнудат комплимент од друга жена
Според истражување на британскиот бренд Simple Skincare, две третини од жените преку дотерувањето се обидуваат да изнудат комплимент од друга жена, а 48% од жените повеќе би сакале да добијат комплимент од непозната жена, отколку од маж.
Причината за тоа е што жените сметаат дека другите жени се пооригинални кога даваат комплименти за разлика од мажите, за кои пак сметаат дека без размислување би им кажале дека се убави независно од тоа како навистина изгледаат.
Околу 25% од жените изјавиле дека најоригиналните комплименти кои ги добиле биле од непозната жена, а не од маж.
Шест од десет жени признале дека додека избираат што да носат за ноќно излегување, постојано мислат на своите пријателки и каква би била нивната реакција, а две третини изјавиле дека ако ја променат шминката или фризурата, поголема е веројатноста да добијат коментари од пријателките отколку од своите партнери.
Таквиот стремеж на жените да се импресионираат една со друга создава поле за натпревар. Околу 25% од жените сметаат дека постои натпреварување меѓу девојките за време на ноќното излегување.
Покрај комплиментите, жените се склони да даваат и критики, но не очи в очи. Третина од жените признале дека редовно ги озборуваат своите пријателки зад грб за нивниот изглед, а 10% признале дека никогаш не би ѝ дале убав комплимент на своја пријателка.
Во истражувањето учествувале 2000 претставнички на понежниот пол на возраст од 18 до 30 години.