Кога еден маж зборува смирено и со умерен тон, жените тоа го асоцираат со самодоверба и моќ, па затоа и се повеќе привлечени од таквите мажи. Тоа е заклучокот од истражување на Универзитети во Пенсилванија и Калифорнија.
Жените сакаат самоуверени мажи кои имаат и покажуваат моќ.
Истражувачите го мереле гласот на мажот во различни ситуации (меѓу кои и симулиран љубовен состанок) и ја споредувале фреквенцијата на гласот со успехот кој мажите го постигнувале на тие состаноци.
Мажите чија фреквенција на гласот варирала најмалку, имале и најголем број сексуални врски.
Академиците кои го спровеле експериментот изјавиле дека холивудските актери Џорџ Клуни и Клинт Иствуд се типичен пример за т.н. „монотони мажи“. Според нив, монотониот глас е знак на моќ, независност и доминантност. Константната фреквенција покажува контрола на ситуацијата.
Мажите кои користеле изрази како „Јас сум посилен и поголем од повеќето мажи“ исто така се радувале на голем успех кај понежниот пол.
Заклучокот е дека сексуалниот успех на мажите зависи како од кажаните зборови, така и од начинот на кој што се изговорени.