Редовните излегувања во женско друштво не се само начин за поврзување со пријателките, туку се неопходни за среќата и виталноста на жените.
Ново истражување на Bazel Wines, спроведено од Talker Research, покажало дека вечерните излегувања со пријателките на секои 22 дена се неопходни за полнење на батериите кај жените.
Во истражувањето учествувале 2.000 жени и 78% од испитаничките изјавиле дека овие моменти им се неопходни за да се почувствуваат повторно полни со енергија.
Се покажало дека 88% од жените го избираат виното како идеален начин за да се започне вечерта со пријателките, а дека најпопуларни теми на разговор се: пикантни новости од нивниот личен живот, љубовните врски и семејните случувања.
Дури 62% од испитаничките одговориле дека би избрале женска вечер пред романтична вечера со партнерот.
