„За вашата пожртвуваност“: Кафе барот „Номад“ од Скопје бесплатно им нуди на докторите и медицинските сестри кафе и сок за да се освежат

Секој треба да го даде својот придонес за да помогне што полесно да се преброди кризата со коронавирусот.

Кафе барот „Номад“ направи потег кој треба да го следат сите, нудејќи им на докторите, медицинските сестри и сите вработени во Државната болница во Скопје бесплатни пијалаци за да се освежат.

„Ова е само мал допринос и благодарност за вашата несебичност и пожртвуваност што ја правите за нас во овие моменти“ – пишуваат од „Номад“.

Нивната објава брзо стана вирален хит и заслужено привлече бројни комплименти на социјалните мрежи.