„Во тој момент не е важно кој си, од каде си, која националност си. Сите сме едно“: Хрват за пласманот на БиХ на СП во фудбал
Босна и Херцеговина испиша фудбалска историја со пласманот на Светското првенство, откако во драматичен натпревар во Зеница ја елиминираше Италија по изведување пенали.
Мечот ќе остане запаметен како еден од најемотивните моменти во историјата на Босна и Херцеговина.
Хрват кој беше присутен на трибините сподели видео од моментот на победата и напиша емотивен текст кој ќе допре до срцето на секој кој живее на Балканот. Еве ја објавата на Риналдо Миливојевиќ:
Не знам како воопшто да го опишам ова… затоа што тоа што го доживеав вечерва во Зеница не беше само натпревар – ова беше нешто што се памети цел живот ⚽️
Како Хрват, дојдов да ја видам атмосферата и да ги поддржам нашите соседи… да ја почувствувам таа приказна за која сите зборуваат 🏟️
Но, тоа што го доживеав – е далеку над сè што очекував 🎇
Од првата минута – лудило. Стадионот гори, луѓето пеат, скокаат, дишат како едно. Секој напад – експлозија. Секој дуел – како да одлучува судбина. Погледнуваш околу себе и гледаш солзи, насмевки, прегратки… чиста емоција 💛💙
И потоа моментот што влегува во историјата 🏆
Босна и Херцеговина ја победува Италија. Пласман на Светското првенство – првпат досега ✈️
Во тој момент веќе не е важно кој си, од каде си, која националност си. Сите сме едно. Сите го чувствуваме истото ❤️🔥Ова не беше само фудбал. Ова беше страст, гордост и љубов кон својата земја на најсилен можен начин 💪
Фала ти, Зенице, фала ви „Змаеви“ што имав можност да бидам дел од историјата ⚜️
И од срце – со среќа на Светското првенство. Ова го заслуживте 🫵
Босанците славеа заедно со нивните херои, а видеата будат силни емоции и докажуваат дека спортот навистина ги зближува луѓето.