Драган Спасов-Дац се радува со своето семејство. Неговата помала внука Зои наполни една година, а овој специјален ден беше одбележан со мала прослава во кругот на најблиските.
63-годишниот пејач објави две фотографии, заедно со пораката: „Среќен први роденден најмила Зои!“.
Родителите на слатката славеничка, Јаков и Софија, објавија роденденски албум со фотографии.
Забавата се одржа во коњички клуб и тортата на малата Зои беше украсена со мотиви од коњчиња.
„Неизмерно благодарни за секоја честитка, секоја прегратка и секој убав збор за нашето мало блесоче. Каков нереално убав ден беше ова… Фала ви на сите што бевте дел од првиот роденден на Зои и што го направивте овој ден уште поволшебен“ – напиша мајката Софија.
Говорејќи за мајчинството, во интервју за Фемина, Софија неодамна ни рече: „Искрено, на некој начин ми е полесно со две деца отколку што ми беше со едно. Можеби звучи чудно, но со доаѓањето на второто дете, многу работи ми станаа појасни и полесни. Со две деца си ги намалив очекувањата на нула – хаха – и тоа ми донесе огромно олеснување.“
„Ја тргнав илузијата дека нешто мора: дека мора секогаш да има зготвен ручек, дека мора дома да биде совршено средено, дека мора да се стигне насекаде и дека јас морам сè да постигнам. Кога го тргнав тој притисок, мајчинството стана многу пореално и многу поподносливо.“