Вино на плажа: Кендал Џенер и Џејкоб Елорди заедно на одмор на Хаваи, фановите ги прогласија за најзгоден пар

Кендал Џенер и Џејкоб Елорди дополнително ги подгреаја гласините за нивната наводна романса откако беа забележани на одмор на Хаваите.

На фотографиja од нивното тропско бегство на островот Кауаи, тие уживаат во максимална приватност покрај океанот. Имено, славниот модел се релаксира со розе вино, додека Џејкоб е во лежерно издание, а интимната атмосфера укажува на нешто многу повеќе од обично пријателско дружење.

За време на заедничкото патување, тие беа фотографирани и додека пазаруваа во локален маркет.

По враќањето во Лос Анџелес, двојката беше „уловена“ на вечерно излегување со Кајли Џенер и Тимоти Шаламе.

Гласините за нивната врска започнаа на овогодишниот фестивал Коачела, а неименуван извор за магазинот People потврди дека 30-годишната манекенка и 28-годишниот актер интензивно се дружат веќе неколку месеци.