Во животот многу работи остануваат некажани.
Компанијата „Echo Storytelling Agency“ создаде емотивно видео кое има за цел да ве инспирира да му се јавите на својот татко и да му се заблагодарите за сè што направил за вас. Во видеото, 20 татковци и деца си поставуваат едноставни прашања. На почетокот децата ги прашуваат татковците: „Со што те правам горд?“, а потоа им кажуваат за што им се благодарни. Одговорите ќе ви ги насолзат очите. Особено емотивен е моментот кога една жена зборува за својот починат татко.
„Се надеваме дека ова ќе ве инспирира да го кренете телефонот и да му се јавите на татко ви. Кажете му зошто му сте благодарни, кажете му зошто сте горди. Можеби и тој ќе го направи истото“ – пишуваат од компанијата.