Првиот трејлер за новото продолжение на сагата Twilight стигна до многубројните обожаватели низ целиот свет. Иако беше најавено дека трејлерот премиерно ќе биде прикажан на MTV Movie Awards, неколку часа пред манифестацијата краткото видео веќе се распространуваше на интернет.
Трејлерот им дава можност на милионите нетрпеливи обожаватели да ја ѕирнат свадбата на Едвард и Бела, нивниот меден месец и моментите кога тие дознаваат дека наскоро ќе имаат дете.
Исто така, неколку кадри го покажуваат бесот на Џејкоб предизвикан од свадбената покана на Едвард и Бела.
Последното поглавје од Twilight, Breaking Dawn, е поделено на два дела. Првиот дел ќе се појави на 18 ноември оваа година, а вториот дел може да се очекува на 16 ноември 2012.