Обожавателите на вампирската сага „Twilight“ добија можност да ѕирнат во долгоочекуваното возбудливо продолжение „The Twilight Saga's Breaking Dawn Part I“.
Промотивното видео ја следи свадбата на Бела и Едвард, нивниот меден месец и болната и кратка бременост на Бела.
На почетокот може да се види дел од романтичната атмосфера на свадбената церемонија и среќната невеста додека се упатува кон својот сакан. Потоа следи збогувањето на Џејкоб и Бела. Неколку кадри ги носат гледачите во страсниот меден месец на заљубените Бела и Едвард. По нивната прва ноќ заедно, Едвард ѝ вели на Бела: „Минатата ноќ беше најдобрата во целото мое постоење“.
Набрзо убавите моменти во две и пол минутното видео завршуваат и следуваат кадри од болната бременост на Бела, предизвикана од брзото растење на фетусот. Додека Бела се бори да остане силна и да успее да го роди бебето, се подготвува битката помеѓу врколаците и вампирите.
Погледнете го возбудливото видео кое завршува со раѓањето на детето на Едвард и Бела: