Расел Кроу режираше и сними нов акционен трилер. „Poker Face“ е приказна за група пријатели кои се собираат за да играат покер на имот во Мајами.
Домаќин на покерскиот собир е милијардерот и коцкар Џејк Фоли (Расел Кроу). Во минатото, Фоли бил предаден од пријателите и затоа подготвува план за да им се одмазди. Се случува вистински пресврт на дејството кога во куќата ќе провалат опасни крадци. Покер „пријателите“ се повлекуваат на безбедно и се здружуваат за да се спасат.
Покрај Расел Кроу кој ја има главната улога и се потпишува како режисер, во филмот глумат и Лиам Хемсворт, Елза Патаки и Жаклин Мекензи.
Светската премиерата на „Poker Face“ беше на 16 октомври на Филмскиот фестивал во Рим, а кино-премиерата е најавена за 22 ноември.
