Навраќајќи се на црно-белиот микс на еротика и гламур кој толку добро го интерпретираше во својот мега-популарен спот за „Vogue“, Мадона повторно ги искористи елементите кои ја прославија – секс, стил и контроверзност.
Во спотот за песната „Girl Gone Wild“, 53-годишната ѕвезда танцува со вртоглаво високи потпетици, победувајќи ја гравитацијата. Во неколку сцени од видеото режирано од Мерт и Маркус, познатата пејачка танцува со полуголи млади мажи качени на високи штикли. Всушност, се работи за танчарската група Kazaky, составена само од мажи кои ги покажуваат своите способности за танцување на високи потпетици.
„Girl Gone Wild“ е дел од новиот албум на Мадона, „MDNA“, кој во САД ќе биде пуштен во продажба на 26 март.