Канадската група „Walk Off The Earth“ го освои светот со преработката на „Somebody I Used To Know“. Минатата година петте талентирани музичари на една гитара го изведоа големиот хит на Готје и заслужено привлекоа милиони фанови.
Годинава „Walk Off The Earth“ ја заборавија гитарата, но изненадија со фантастична верзија на хитот на Тејлор Свифт, „I Knew You Were Trouble“. Иако никој од нив не користи музички инструмент, звукот е близок до оригиналот благодарение на талентираниот битбокс шампион Terry ‘krNfx’ Im, кој одлично „имитира“ дабстеп звуци.
Многумина се убедени дека оваа верзија на песната е подобра од оригиналната. Само за два дена видеото има речиси милион прегледи.