Без силна шминка, без високи потпетици и без луди креации Лејди Гага покажа едноставност и елеганција во новото видео за промовирање на песната „You and I“.
„Мајката чудовиште“ преку Twitter им се обрати на своите обожаватели за да им соопшти дека снимила уште 5 „фешн филма“ за нејзиниот најнов сингл.
„Имам изненадување за вас мали чудовишта! Не снимив само едно музичко видео за You and I. Доаѓаат уште 5 фешн филма“ – напишала Гага.
Во црно-белото видео Гага е облечена во свилена ноќница и танцува бавно, покажувајќи грациозност на балерина. И покај тоа што видеото воопшто не одговара на нејзиниот стил, 25-годишната пејачка успеа со него да ги освои обожавателите кои не престануваат да испраќаат комплименти на нејзина адреса.