Талентираната Адел го објави спотот за хитот „Someone Like You“. Без специјални ефекти, шашави костими или шминка, видеото е едноставно и меланхолично, но и длабоко емотивно, исто како и самата песна.
Црно-белиот спот ја следи Адел додека шета низ празните улици во Париз, тажејќи за изгубената љубов. Иако е скршена од болка, 23-годишната пејачка се обидува да се убеди дека ќе го преболи саканиот, храбро пеејќи дека ќе најде друг како него. Но, длабоко во себе се сомнева дека тоа ќе се случи.
Целиот спот бил снимен во Париз во текот на раните утрински часови. „Локацијата буди стил и романтика, а снимањето во раните утрински часови ни овозможи да се фокусираме на Адел во овој осамен и емоционален простор“ – објаснил режисерот.