Венко Филипче сподели креативни постери кои укажуваат да се почитуваат мерките за заштита од коронавирус

Венко Филипче сподели дел од креативните постери кои беа изработени за да се поттикне јавноста да ги почитува мерките за превенција од ширење на коронавирусот.

„Да се биде дома значи да се биде креативен“ – напиша Министерот за здравство во описот на илустрираните цртежи кои се споделуваат под хаштаговите #ОстаниДома, #СедиДома или #ЗаштитиСе.

На нив се прикажани активности кои граѓаните можат да ги прават дома, како да одржуваат хигиена и како правилно да се мијат рацете.

Одложете ги групните активности и останете дома, сега е моментот кога сите ние можеме да придонесеме во заштита на јавното здравје.