Амелија и Елиза Спенсер престојуваат во Мелбурн каде посетија неколку настани со коњски трки.
Русокосите внуки на покојната принцеза Дијана деновиве шармираа во координирани стајлинзи на „Купот на Мелбурн“ и на „Oaks Day“.
Сестрите-близначки беа поканети на „Купот на Мелбурн“ за да ги оценат натпреварувачите на настанот „Fashions in the Field“, кој се одржува пред коњските трки. Амелија и Елиза носеа складни црвени фустани од брендот Cappellazzo.
На „Oaks Day“ посетителите беа охрабрени да носат пурпурна боја со цел да ја подигнат свеста за Good Friday Appeal, чија цел е да им се помогне на болни деца. Двете сестри избраа соодветен накит како надополнување на нивните бели комбинезони.
31-годишните сестри успешно се пробија во модната индустрија. Тие се ќерки на Ерл Спенсер, братот на принцезата Дијана.
