Торта со крилја и сликарска палета, љубов од семејството... Инспиративната Србинка родена без раце наполни 31 година
Дејана Бачко вчера наполни 31 година.
Инспиративната Србинка, која и покрај тоа што е родена без раце го живее животот максимално, славеше во домашна атмосфера со најмилите. Таа сподели фотографии на кои позира покрај малата ќеркичка Лара и сопругот Марко.
Дејана, која е позната и како „девојка со крилја“, ја дувна свеќичката на торта со крилја и сликарска палета, симбол на нејзината професија, сликарството.
Иако сега се смее со широка насмевка на секоја фотографија, Дејана има споделено дека немала лесно детство и дека честопати морала да се бори за да покаже дека без две раце може да постигне сè што можат и луѓето родени со раце. Денес, таа е инспирација на социјалните мрежи и нејзиниот профил веќе го следат милион лица.
Бачко има освоено златен медал на Светско првенство во пара таеквондо, а е академски образована ликовна уметница која има насликано прекрасни дела. Таа ги користи своите стапала наместо дланки за да ги извршува сите обврски низ домот, вклучително и готвење, а има и возачка дозвола и е одличен шофер.
Дејана има споделено дека најголем предизвик досега ѝ било мајчинството и добивањето на ќеркичката Лара.
„Тоа ми беше најголемиот предизвик во животот досега. Се плашев како ќе ја земам иако немам раце, како ќе ја извадам од креветчето. Сега нормално можам без проблем, ме прегрнува и така можам да ја извадам. Но, на почетокот се плашев. Имав ситуации кога седнував и плачев, но сето тоа поминува“ – рекла таа.
