„Тоа нè уништи“: Софија Вергара се отвори за убиството на брат ѝ од колумбиски картел при обид за киднапирање
Софија Вергара сними заводлива фотосесија за „Variety“ и се отвори за убиството на нејзиниот брат во 1996 година, кога таа имала 24 години.
За да ја промовира својата нова мини серија „Griselda“, 52-годишната актерка позираше пред фотоапаратот на Грег Свејлс. Во криминалистичката драма, Софија влегува во улогата на Гриселда Бланко, која била колумбиска „кралица на кокаинот“ и шефица на најмоќниот картел во светот.
Во интервјуто, ѕвездата од „Modern Family“ зборуваше зошто ѝ било важно да ја одигра оваа улога и се отвори да мрачен дел од нејзиното минато – убиството на нејзиниот постар брат Рафаел.
Рафаел бил убиен во обид за киднапирање и изнудување пари од страна на колумбиски картел.
„Тоа го уништи нашето семејство. Ја уништи мајка ми. Целосно ни ги промени животите. Не знаевме што се случува, зошто беше убиен“ – рекла таа.
Една година пред неговото убиство, Вергара со 5-годишниот син Маноло се преселила во Мајами, па по неговата смрт, го повлекла целото семејство да живее со неа во САД.
Уште од 2006 година, Софија сакала да ја има улогата на Гриселда во филм. Не можела да си ја замисли „оваа Колумбијка со четири деца да биде една од најсуровите трговци со дрога и луѓе во историјата“. Но, било многу опасно да се сними серијата додека Бланко сè уште била низ колумбиските улици. Па, Софија морала да чека.
Гриселда била убиена во 2012 година, а во 2015 година Вергара го пронашла идеалниот тим за да ја сними серијата. Таа имала проблеми со спиењето во првите три недели од снимањето.
„Бев анксиозна, а Ненси (тренер за глума) ми рече: ‘Преку ден убиваш, врескаш, плачеш и сè, а потоа одиш дома и твоето тело не знае дека не си го правела тоа реално, тоа ги чувствува тие работи’. Морав да земам нешто навечер за да се смирам. Не бев подготвена за тоа. Не знаев. Поради тоа актерите полудуваат. Како можат да го прават тоа со години?“ – рекла таа.
