„Тоа не е тајна, тоа е рутина“: Кристијано Роналдо го покажа мускулестото тело, во импресивна форма е и на 41 година
Кристијано Роналдо постојано докажува дека годините навистина се само обична бројка.
41-годишниот фудбалер го покажа мускулестото тело позирајќи во долна облека од својот бренд и одушеви многумина на социјалните мрежи. Неговата фотографија за само 19 часа има повеќе од 3 милиони допаѓања и над 40 илјади коментари.
Во описот, славниот спортист порача дека успехот во животот не доаѓа случајно и дека на него треба секојдневно да се работи.
„Долговечноста и високите перформанси не се случуваат случајно. Тие се градат преку секојдневно, практично опоравување. Тоа не е тајна. Тоа е рутина“ – напиша Роналдо.
Познато е дека Роналдо тренира и до четири часа дневно, посетува теретана петпати неделно и практикува пилатес и пливање. Неговите тренинзи вклучуваат 25 до 30 минути кардио, високoинтензивни спринтови и вежби за сила.
Неговата дисциплина не запира во салата за вежбање. Наместо класични три оброци, Роналдо дневно консумира шест помали оброци богати со протеини. На неговото мени редовно се наоѓаат авокадо, свежа риба, пилешко месо, салати, киноа и свежо овошје.
Според последните мерења, неговиот процент на телесни масти изнесува само седум проценти.
Како еден од најуспешните фудбалери на светот, Роналдо сè уште заработува околу 570.000 евра дневно во клубот во Саудиска Арабија, што го прави еден од најплатените спортисти во светот.
