Мејси Бич сподели на социјалните мрежи неколку фотографии на кои половина од лицето ѝ е нашминкано, а другата половина потполно природно. Целта ѝ била да ја покаже трансформациската моќ на шминката и да укаже дека се шминка единствено за себе.
Но, многу од коментарите веднаш тргнале во непосакуван правец и многумина започнале да ја навредуваат, велејќи ѝ дека е грда, одвратна и страшна.
За лошите коментари таа вели: „Да бидам искрена, имаше само неколку позитивни забелешки. Кога започна да се споделува и започнав да добивам негативни коментари, бев шокирана од тоа колку злобни можат да бидат луѓето само затоа што се наоѓаат зад екран.“
19-годишната девојка самоуверено тврди дека негативноста не ја засега. „Се чувствувам среќна што сум на место во животот каде коментарите на другите луѓе не допираат до мене. Ова е мое лице и ќе ставам шминка онолку колку што сакам. Мошне ме шокира тоа што многу луѓе кога коментираат на фотографија забораваат дека личноста од неа е човечко суштество со чувства. И жал ми е за секој што мора да трпи малтретирање на социјалните мрежи, а не е доволно силен психички за да ги игнорира сите гадости“ – пишува во нејзина порака.
Мејси даде свое мислење и за критиките насочени кон жените кои носат интензивна шминка и го трансформираат својот изглед. „Не носиме шминка за другите, туку за себе. Жените не треба да бидат критикувани или нарекувани вештачки и неприродни заради тоа што се нашминкани, како што не треба да бидат нарекувани грди ако не се нашминкани“ – вели таа.