„Ти си мојата најголема желба, ти ме направи мајка“: Бојана Скендеровски за роденденот на ќеркичката Искра
По повод роденденот на ќеркичката Искра, Бојана Скендеровски се наврати на моментите кога за првпат ја почувствува љубовта кон неа и на радоста која ѝ ја донесе мајчинството.
Македонската пејачка и водителка ѝ посака на нејзината мала принцеза да блеска и храбро да чекори низ животот, знаејќи дека мама секогаш ќе биде покрај неа.
Таа сподели две фотографии од ќеркичката и напиша:
„Ти си мојата најголема желба која ми се оствари, ти ме направи мајка, те сакам од моментот кога беше една точка која светеше на екранот на првиот преглед, уште ти го паметам мирисот на кожата кога те приближија да те бакнам во салата за породување, а денес си моето огледало, и секој ден се повеќе сфаќам колку брзо растеш и колку си паметна… Блескај Искра моја, тука сум да те пратам. Среќен роденден!“.
Во интервју за Фемина, Бојана изјави дека најважни моменти ѝ се оние кога стана мајка.
„Тоа се најважните моменти во мојот живот, кога сѐ се менува, ништо повеќе нема да е исто, најемотивните моменти кога стануваш и најсилна и најранлива…
Бев баш расположена трудница, имав огромен стомак 😂 и возев до деветтиот месец, јадев по неколку сладоледи на ден, немав тегоби…“ - призна таа.
Бојана и нејзиниот сопруг имаат и синче, кое се вика Ѓорѓи.
