Тату артистот Горан Миќиќ го победи ракот: „Животот не знаеш што ти носи, затоа сакајте ги и почитувајте ги најблиските“
Горан Миќиќ објави дека водел битка со рак на тироидната жлезда и дека извојувал победа над болеста.
Познатиот тату артист од Скопје сподели моќна порака од Атина, Грција, заедно со фотографии од дијагнозата и процесот на неговото лекување. Негова цел е да ја подигне свеста за оваа болест и да им помогне на оние кои имаат потреба од совет за лекување.
„Животот не знаеш што ти носи, затоа сакајте ги и почитувајте ги најблиските околу вас. CANCER FREE ⚡️🫰🏻
Не ми е цел да ме сожалувате,
Ова го постирам со цел да помогнам на некој што му треба било каков совет и каде да се обрати со канцер на тироидна жлезда.
За некои луѓе немам зборови“ – стои во неговата објава.
Горан имаше и пофални зборови за сопругата Христина која постојано била покрај него и му давала поддршка.
Миќиќ е еден од најпознатите тату артисти кај нас и е добитник на бројни награди и признанија за својата работа.
