Ели Сааб не препушта ништо на случајноста. Либанскиот дизајнер точно знае како да стигне до женското срце и засекогаш да си обезбеди место во него.
Колекцијата „Мрачен раскош“ на Сааб вклучува обувки и чанти кои секоја дама со стил би посакала да ги има во својот плакар. Луксузни бои кои асоцираат на скапоцени камења, блескави кристали и футуристички златни ленти го заведуваат погледот.
Елегантни силуети, транспарентни панели, змиска текстура и кадифе ги карактеризираат обувките од колекцијата инспирирана од уметничките слики на Марк Ротко. Од друга страна, кај чантите воочливи елементи се златни рамки, пругасти дезени, кратко крзно и сложени збирки од пулејки и мониста.
