Сè повеќе и повеќе жени ги користат услугите на Џек Мартин, фризерот кој прави неверојатни трансформации за да им помогне на жените да ја прифатат седата коса.
Трендот, кој започна во пандемијата, а продолжува и денес, придонесе многумина да престанат да се фарбаат и да се насочат кон поприроден изглед. Токму поради тоа листата со клиентки на Џек постојано се зголемува.
Џек стои зад движењето #silvertransformation и ги охрабрува сите да не се срамат од белите влакна, туку да ги прифатат како нешто нормално. По години фарбање, неговите клиентки излегуваат од фризерскиот салон задоволни и среќни што ќе можат да ја имаат природната седа коса.
Него му се потребни 10 часа за да го постигне ваквиот изглед. Процесот на трансформација го започнува со отстранување на остатоците од фарба од косата, а потоа го анализира делот каде косата е природно порасната и нефарбана. На крајот, се обидува да го пресоздаде истиот шаблон на целата коса.
