Мараја Кери тажи за загубата на мајка ѝ Патриша и сестра ѝ Алисон кои починале на ист ден изминатиов викенд.
55-годишната пејачка ја потврди трагичната вест во изјава за People.
„Срцето ми е скршено што ја изгубив мајка ми изминатиов викенд. За жал, во трагичен пресврт на настаните, сестра ми го загуби животот на истиот ден. Се чувствувам благословено што можев да го поминам изминатиот викенд со мајка ми пред да почине. Ја ценам љубовта и поддршката од сите и почитувањето на мојата приватност во ова невозможно време“ – стои во изјавата на Мараја.
Не се познати други детали за смртта на 87-годишната Патриша и 63-годишната Алисон.
Кери во својот мемоар напиша дека имала комплицирана врска со мајка си во текот на својот живот.
„Никогаш не беше само црно-бело, туку беше цело виножито од емоции“ – напиша таа.
Врската на Мараја со сестра ѝ исто така била комплексна. Алисон беше поранешна зависничка од дрога и беше ХИВ-позитивна.
„Емоционално и физички е побезбедно за мене да немам никакви контакти“ – стои во мемоарот на Мараја.
