„Срцето ми е полно“: Божидар ја доби најтешката битка и си замина дома кај семејството

Уште едно дете ја доби најтешката битка над болеста и си замина дома.

Божидар смело удри во гонгот за да го означи крајот на неговото болничко поглавје и започнувањето ново, многу поубаво, покрај семејството.

Убавата вест ја сподели Валентина, мајката на детето со кое Божидар ја делел болничката соба. Таа објави фотографии со неговата мајка Росана и напиша:

Со среќа Божидар ❤️🙏🏻

Денес срцето ми е полно… затоа што едно дете ја победи најтешката битка.

Нашите деца не беа само болнички другари – тие делеа иста соба, исти денови, и убави и тешки моменти. Заедно се смееја кога имаа сила, и тивко се разбираа кога беше најтешко.

А ние, како мајки, стоевме една покрај друга… се тешевме, си дававме надеж, си бевме потпора кога зборовите не беа доволни.

Денес, таа борба заврши со победа. Денес едно храбро дете го заврши лекувањето и покажа што значи вистинска сила.

Горди сме на тебе Боко, херој наш 🤍

Нека од денес ти почне еден нов, убав и безгрижен живот.