Џорџ и Амал Клуни реагираа остро на нарушувањето на нивната приватност. Откако француското списание „Voici“ објави фотографии од славниот пар со новородените близначиња, холивудската ѕвезда сподели дека подготвува тужба.
„Изминатава седмица фотографите на списанието Voici се качуваа на нашата ограда, се искачуваа на нашето дрво и незаконски направија фотографии од нашите новороденчиња во дворот на нашиот дом“ - се вели во соопштението на Клуни, кој дополнува дека ќе тужи и дека безбедноста на неговите деца го бара тоа.
На фотографијата од насловната страница, Џорџ и Амал ги држат близначињата Ела и Александар во рацете додека се шетаат на нивниот имот покрај езерото Комо во Италија.
Клуни има многу добра основа за тужба. Во Франција, јавните личности е дозволено да бидат фотографирани само додека ја извршуваат нивната должност, додека во Италија, фотографите не смеат да сликаат на приватни имоти или да прават фотографии од лица или предмети кои се скриени од „нормална видливост“.
56-годишниот актер и 39-годишната адвокатка станаа родители пред месец и половина.
