Специјално значење: Татко сам го направи прстенот со кој неговата ќерка беше запросена од саканиот

Многу моменти и гестови во животот се паметат засекогаш.

Татко, кој е златар, самиот го изработи вереничкиот прстен на својата ќерка. Заедно со идниот зет го осмислија дизајнот и изгледот на прстенот, а потребен му бил еден месец за да го создаде совршениот прстен за нив.

Тој дури и го имал задоволството да биде сведок на романтичното запросување.

Идната невеста Брајс Шеринг со саканиот Досон биле на патување во Аризона, кога ним им се придружиле нејзините родители.

Откако се вратиле од јавање коњи на зајдисонце, Досон клекнал на едно колено и со солзи во очите ѝ го поставил судбоносното прашање на саканата Брајс.

Прстенот е изработен од 18 каратно бело и жолто злато и голем дијамант. Видеото од моментите на изработка го објави среќната Брајс, која отсекогаш сонувала нејзиниот татко да ѝ го дизајнира свршеничкиот прстен.

„Досон се преправаше дека ми предлага брак неколкупати во изминатите месеци. Па, прво мислев дека повторно го прави истото. И тогаш, имаше солзи во очите, го извади прстенот и јас си помислив ‘Ох, Боже.’“

„Бев преплавена од емоции и оттогаш не можам да престанам да гледам во прстенот. Толку е убав, уникатен и совршен за мене. Го обожавам“ – изјавила Брајс.

@brycesherring No words to describe how special this is. •Website: sherringjewellers.net (Fill out contact form) •Instagram: sherringjewellers #goldsmith #jewelry #engagement #engagementring ♬ original sound - Bryce Sherring