Совршениот маж не постои

Никој не е совршен и повеќето жени признаваат дека немаат до себе совршен партнер. Имено, ново истражување вели дека 75% од жените не веруваат дека постои совршениот маж, а повеќето жени би го оцениле својот партнер како „69% совршен“.

Жените би им „простиле“ на мажите што гледаат многу спорт, но бараат од нив да ги слушаат додека зборуваат

Мааните и недостатоците кои ги посочиле 2.000-те учеснички во анкетата биле различни, но во главно се поврзани со хигиената или односот на партнерот кон нивното семејство и пријателите.

„Изгледа дека жените се доста реални во однос на она што го бараат од својот партнер. Додека жените радо би им прогледале низ прсти за неколку вообичаени недостатоци, постојат одредени начини на однесување со кои мажите не можат да поминат така лесно“ – изјавила Ники Мекрејнолдс, маркетинг директор на компанијата Remington, која го финансирала истражувањето.

Истражувањето открило дека на секоја трета жена не би ѝ сметало партнерот да поминува многу време гледајќи спорт, сè додека тој ја слуша кога е потребно.

Секоја петта жена е убедена дека нејзиниот партнер само глуми дека ја слуша, додека повеќето жени сметаат дека она што го зборуваат им влегува на мажите од едното уво, а од другото им излегува.

Кога анкетираните жени биле запрашани што е најважно за еден маж да биде совршен, најмногу (35%) одговориле дека најважен е добриот карактер, а на второ место по важност е смислата за хумор.

Дејвид Бекам бил избран од жените како најсовршен селебрити маж.