Соренто, Позитано, Амалфи… Маја Кикириткова ја истражува Италија и ги споделува своите импресии
Модни комбинации, живописни пејзажи, искрени импресии од патувањето… Маја Кикириткова деновиве ужива во убавините на Италија.
Македонската дизајнерка ги посети Соренто, Позитано, Амалфи, Наполи и Капри, а на социјалните мрежи сподели фотографии од шармантните италијански улички, морските глетки и впечатливите модни изданија, како и искрени впечатоци од туристичките места кои ги посети.
Маја сподели дека уживала во погледот во Амалфи, но дека гужвата била „премногу за нејзин вкус“, а познатото сорбе во лимон не ги оправдало нејзините очекувања.
Таа објави фотографии од хотелите во Позитано и низ шега напиша дека да се стигне до плажата е „научна фантастика“. Сепак, таму уживала во вкусно џелато.
Денешниот ден за Соренто, Позитано и Амалфи. Од моја перспектива, Соренто мирен и тивок, баш по мој вкус, Позитано и Амалфи гужви и исфорсирани, не можам ни да замислам што се случува таму преку лето - напиша таа.
Покрај гастрономските впечатоци и туристичките искуства, Кикириткова привлече внимание и со своите модерни комбинации, кои совршено се вклопуваат во романтичната атмосфера на италијанскиот брег.
Претходно, Маја ги посети Наполи и Капри.
Sneak peek од Наполи и Капри. Италијо те сакам, forever and ever - напиша таа во описот на албумот.
