Сопругата на Таско со слатка фотосесија од нивните мали дечиња: „Не можев да се одлучам која слика да ја ставам, па ставив 13“
Ќерката на Христијан Тасковски – Таско и неговата сопруга Наташа наполни две години, а гордата мајка сподели преслатка пост-роденденска фотосесија.
Наташа објави серија фотографии на кои слатката славеничка Кирјана позира со своето поголемо братче Лукијан. Таа се пошегува дека не можела да избере само една фотографија, па решила со следбениците да ги сподели сите омилени моменти.
„Двајца мали шефови и една мајка позади камерата која треба да направи рандом пост-роденденска фотосесија и не може да се одлучи која слика да ја стави, па стави 13😆
Шала на страна, ова ми е омилената фотосесија од нив двајца…спонтана, искрена, необично посебна- баш како нив 🤍“ – напиша Наташа.
Таско и Наташа стапија во брак во 2022 година. Лукијан и Кирјана се разлика само година и три месеци, а во интервју за мајчинството за Фемина, сопругата на познатиот македонски хип-хоп артист раскажа:
„По карактер и темперамент, децата се мешавина од нас двајца, но мислам дека синот повеќе наликува на мене кога станува збор за упорност и емпатија, а ќерката го носи духот на Таско – енергична, весела и со силен темперамент. Секој од нив е уникатен, но убаво е да се гледа како делови од нас се огледуваат во нив, со својот сопствен карактер“.