Душан Ристовски наполни седум години. Министерот Борко Ристовски и неговата сопруга Нина му организираа мала роденденска прослава на синчето.
Среќниот славеник дуваше свеќи на торта инспирирана од дизниевиот филм „Monsters, Inc“. На фотографиите е и сестричката на Душан, Анастасија. „Среќен роденден мое најмило“ - напиша таа.
Претходно, Нина објави фотографии со синчето и порака за да го одбележи овој негов специјален ден.
„Пред полни 7 години станав мајка и од тогаш сè е за тебе и поради тебе моја најсветла ѕвездо. Нека ти е среќен роденденот дете златно, патот што го одам со тебе 7 години е мој најголем благослов. Те сакам душо моја. Благодарна сум за секој ден на Бога и на тебе затоа што си прекрасен и ме научи и учиш за најголемите вредности. Во животот само сакам да израснеш во добар и внимателен човек, а срцето ти е најголемо. Летнаа годините, да си жив и здрав!“ – стои во пораката.
