Солзи радосници: Девојче со протетичка нога плаче од среќа кога ќе добие кукла со протетичка нога

Девојче со протетичка нога си доби совршен подарок. Семејството на малата Ема ѝ подари кукла со протетичка нога и руса коса, која наликува на неа.

Во видео, сестричката на Ема ѝ ја носи кутијата во која се крие убавото изненадување. Реакцијата и солзите радосници на Ема кога ќе го отвори подарокот нема да ве остават рамнодушни.

Родителите на Ема претходно ја испратиле куклата до компанија која изработува протетики за да ѝ стават мала протетичка нога.

Куклата пристигна заедно со писмо за Ема од компанијата. „Откако таа пристигна тука, ѝ дадовме соба во која престојуваше додека се правеше нејзината нова нога. Кога ѝ ја ставивме новата нога во нејзината омилена боја, розова, таа веднаш започна да чекори на неа. По неколку неделен тренинг за одење со новата протетичка нога, таа е сега подготвена да си оди дома и да го живее животот без ограничувања со тебе“ – пишува во писмото за Ема од компанијата.

Видеото за само еден ден е прегледувано речиси 6 милиони пати на Facebook.