„Со верба во Бог сум чист 5 години“: Синот на Тони Михајловски се отвори за борбата со зависностите
Александар Михајловски се отвори за борбата со зависностите, за откажувањето од алкохолот и дрогата, како и за вербата во Бог и дисциплината со кои постигнал сè.
35-годишниот актер, кој му е син на Тони Михалјовски, искрено зборуваше за пороците, сакајќи на младите да им пренесе важна порака. Во интервјуто, Стефан Лазаров го праша Александар дали консумирал алкохол и наркотици, а тој рече: „Да бе да, сум го живеел тој живот јако“.
Целта на ова искрено признание на Александар е младите да го слушнат неговото искуство, за да не ги повторат неговите грешки.
„Ова го зборувам за да кажам дека е лош пример. Ова не го кажувам како нешто со коешто се гордеам“ – рече тој и сподели дека поради сето ова страдало неговото ментално здравје.
Менталното здравје ми беше на најниско ниво во еден период. Ја имав забаталено мојата кариера, побитно ми беше да заглавам до 5 саат сабајле со тањирот и со пиење... и сабајле да станам и да бидам тотално непрофесионален. Сум сакал погрешни луѓе да импресионира. Сум имал сериозни ноќи непроспиени...
Стигнав до фаза каде што тоа ми било најбитно. Сум се будел и од сабајле рано наутро до вечер и ништо не ми било свето.
Сакав да направам канал со моето одвикнување од работи за да им помогнам на луѓето да сфатат како да се откачат од тоа...
Дисциплината е спасот, алкохолот и дрогите се живо сра*ње. Мангуп не си ако можеш да средиш 2 грама, да испиеш вечерта литро виски и да се степаш. Тоа ме донело до тепачки, ме донело до тоа да ме избодат со нож. Да, такви некои филмови уличарски. Да не си ги цениш твоите, да мислиш дека сите се против тебе, а сите сакале да ти помогнат. Не си во реалноста. Тоа ми било светиња.
Александар признава дека бил зависник, но за среќа, со многу дисциплина и верба во Бог успеал да се извлече од канџите на пороците.
„Да бе да, не можев да се замислам без да дувам, без да пијам, без да консумирам наркотици... Јас сам се излечив со спорт... Почнав да трчам, 4-5 години не пијам алкохол, не користам никакви наркотични супстанции, 2 години не дувам.“
„Сакам младите да сфатат една работа – дека тоа е погрешно! Сфатете дека треба да вежбате, да бидете ѕверови, да имаш дисциплина. Да, излези во град, но забавувај се, уживај.“
„За сите што гледате, а сте имале проблеми со ваква работа: Спортот е единственото решение... А најбитно за да се откажеш е верба во Бога“ – вели тој.