Со најслатката придружба: Мајка трчаше на Скопскиот маратон туркајќи го бебенцето во количка
Изминатиов викенд се одржа 22-рото издание на Скопски маратон.
Скопските улици беа исполнети со тркачи, навивачи и бројни инспиративни приказни, а една од нив привлече особено внимание. Меѓу учесниците на маратонот беше и мајка од Англија, која на трката пристигна во друштво на своето бебенце.
Аби од Корнвол пред себе ја туркаше количката со синчето Адам, трчајќи километар по километар и покажувајќи дека мајчинството не мора да значи откажување од страстите и предизвиците.
Нејзината глетка измами насмевки кај присутните, но и испрати убава порака за истрајноста, љубовта и малите моменти кои го прават животот посебен.
Додека таа ги совладуваше километрите, нејзиниот најмал придружник мирно се возеше во количката.
