Шакира и Ријана ја објавија својата прва музичка соработка. Песната „Can't Remember to Forget You“ е прв сингл од новиот албум на Шакира кој ќе излезе годинава.
Неодамна Шакира ја коментираше соработката со Ријана. „Работењето со неа беше утопија. Таа е најсексапилната жена на планетава. На крајот на краиштата, и двете сме девојки од Карибите. Хемијата помеѓу нас беше многу добра и многу реална. Таа ме научи нови танцувачки движења“ – изјави Шакира во интервју за „Glamour“.
Се претпоставува дека музичките ѕвезди подготвуваат и спот, но за тоа сè уште нема официјални информации.
