„Сите ме прашуваат од каде толку љубов... Еве од каде“: Марија Шерифовиќ доби посета и љубов од синчето Марио на концерт
Марија Шерифовиќ го одржа третиот од петте закажани концерти во „Сава центарот“ во Белград.
40-годишната српска пејачка сподели дека луѓето околу неа постојано ја прашувале како има толку љубов и енергија за да пее три вечери по ред. Таа ја откри својата тајна, а тоа е синчето Марио, кое тајно ја посети на нејзиното музичко шоу.
Шерифовиќ сподели фотографија од 15-минутното гушкање со едногодишното момче кое го доби со помош на сурогат мајка во декември 2023 година. На Instagram напиша:
Сите ме прашуваат – Како можеш? Како можеш така да пееш трета ноќ по ред? Зошто не се штедиш? Од каде толку енергија? Од каде толку љубов? Па како ќе издржиш уште две вечери? Па, чувај се Марија!
Еве од каде... Синоќа наврати, не ни знаев дека ќе дојде. Се гушкавме 15 минути и сите батерии отидоа на 90%. Зад тоа ве гледам вас и ѕверката е подготвена.
Твое е само тоа што го даваш!
Пред неколку дена, на Меѓународниот ден на жената, Марија сподели фотографија на која синчето ѝ подарува цвет и балон. Таа напиша:
„8 Март конечно има смисла. Животе мој најубав, сонце мое најмило, мило мое, моето најубаво момче, моето зелено око. Те сакам до неистражените галаксии“.
Откако го доби Марио, Марија сподели дека се обидела самата да износи бременост, но дека не успеала и дека затоа се решила за сурогат-мајка.
„Во повеќе наврати се обидував сама да износам бременост, но поради потешкотии, не успеав“ - рекла таа.
„Големата желба да имам дете ме водеше низ тој комплексен процес“ - додала српската пејачка.
