Алекса Балашевиќ има огромен повод за славење.
Синот на Ѓорѓе Балашевиќ го доби второто дете со сопругата Николина. Среќните родители одлучиле на синчето да му го дадат името Ѓорѓе во чест на неговиот дедо, што разнежни многумина на социјалните мрежи.
Веста за приновата ја сподели гордиот татко на социјалните мрежи, каде кратко напиша: „Тој дојде, дете на небото!“.
Со емотивна порака се огласи и бабата, Оливера Балашевиќ, која напиша дека „Ѓоле се врати дома“, додавајќи дека внукот е најубавиот подарок кој можела да го посака.
„Ѓоле се врати дома... Го повика срцето на една ‘провинцијалка’, баба која за својот утрешен роденден си го посака најубавиот подарок кој небото може да го испрати. Добредојде, мало големо момче! Твојот дедо те чува од онаа најсјајна ѕвезда, а баба ти веќе те чува во секое отчукување на срцето“ – стои во нејзината порака.
Оливера денес полни 67 години.
Алекса и Николина веќе ја имаат ќерката Вера.
