Повеќето луѓе се чувствуваат среќни ако имаат сигурна работа и тоа им е многу поважно отколку висината на платата.
Резултатите од ново британско истражување покажале дека сигурната работа, личното здравје и односите со семејството се најважните фактори кои влијаат на среќата на луѓето. Скоро девет од десет учесници во истражувањето ги оцениле тие три фактори како најважни.
На луѓето им е поважно да имаат сигурна работа отколку висока плата
Истражувачите објаснуваат дека луѓето се чувствуваат среќни кога имаат сигурна работа затоа што така тие се помотивирани и посамоуверени, а тоа се одразува на целиот нивен живот.
„Животот на луѓето се распаѓа ако немаат работа. Поверојатно е да бидат во депресија ако немаат работа и постои силна врска помеѓу невработеноста и распаѓањето на семејствата и проблемите со здравјето“ – тврдат научниците.
Во истражувањето учествувале 2000 луѓе. Иницијативата за спроведување на вакво истражување дошла од британскиот премиер Дејвид Камерон, а целта била да се утврди благосостојбата на Британците.