Сиа доби две внучиња и на 44-годишна возраст стана баба.
Славната пејачка пред само неколку недели откри дека минатата година посвоила две момчиња со полни 18 години, а сега ги изненади фановите со веста дека стана баба. Тоа значи дека во период од една година, Сиа стана и мајка и баба.
„Мојот најмлад син штотуку доби две бебиња. Јас сум баба! – изјавила таа во интервју за Apple Music.
Сиа ги посвои двете момчиња кога тие имале по 18 години и привршувало нивното згрижување од социјалните служби. И двајцата биле малтретирани и имале трауматични животни приказни. Тие промениле 18 места на живеење во 18 години.
„Јас всушност посвоив два сина минатата година. И двајцата имаа 18 години, а сега се 19-годишници. Им изминуваа годините на згрижување. Да, и ги сакам“ – изјави таа во мај.
„И двајцата многу страдаа, а јас можев да им помогнам – ги имав потребните ресурси за да им ја пружам помошта која им беше потребна за нивната траума во рана возраст. Потребно беше да помине година и имавме свои подеми и падови, но никогаш не сме биле на подобро место од она на коешто сме денес“ – рекла таа.
За мајчинството, Сиа вели: „Тоа е благослов за мене. Мислам дека ме спаси, јас сум во рајот.“.
Видео
Сиа првпат потврди дека стана мајка на почетокот од годината.
