Сестрата Дора, Весна Петрушевска, Тони Цетински... Емотивни пораки на роденденот на Тоше Проески

Доколку не се случеше трагичната несреќа, денес Тоше Проески ќе го славеше 42-риот роденден.

Тагата не стивнува, болката останува, а емоциите виреат секој 25 јануари.

Блиските личности на нашиот ангел со емотивни пораки го одбележуваат овој ден.

Неговата сестра Дора Проеска, Весна Петрушевска и Тони Цетински споделија постови во негова чест.

Дора објави фотографија од торта за Тоше и негова фотографија. „Секој твој роденден Тоше е наша воздишка“ – пишува на тортата.

„Денес ќе имаше 42, сигурна сум дека ќе имаше уште 10 албуми, немаше да престанеш да пееш... Секогаш првата мисла ми е твојата насмевка, таа беше љубовна, животна приказна... Таа насмевка гласна која го исполнуваше просторот во кој си шушкавме за работи кои само ние си ги знаевме... и ми фалат оние образи што кога ќе ги штипнев ми остануваа во раце... таа топлина која ја имаше во себе... тоа ми фали“ – напиша Петрушевска.

„Среќно братко мој таму некаде. Анѓелски роденден“ – напиша Цетински.