Маж цели шест години се немал појавено на работното место, а добивал плата, без никој да го забележи тоа. Тоа ќе продолжело до неговото пензионирање доколку, по иронија на судбината, не добиел награда за неговата долгогодишна служба.
Хоакин Гарсија бил инженер вработен во компанија за вода преку општината на шпанскиот град Кадиз и за задача имал да ја надгледува изградбата на фабрика за прочистување на отпадна вода. Во 2004 година, тој без да ги извести надлежните, престанал да се појавува на работното место. 69-годишниот Шпанец годишно земал од државата 37.000 евра бруто плата за седење дома, а бил фатен откако во 2010 година требало да прими награда за својата
Јавноста дозна за случајот во текот на минатата седмица, откако судот му одредил казна од 27.000 евра за неговото пролонгирано отсуство. Тоа била максималната сума која може да ја одреди судот.
Кога заменик градоначалникот на Кадиз Хорхе Фернандез отишол во канцеларијата на Гарсија, сфатил дека таа е празна со години.
„Се прашував дали тој сè уште работи тука, дали се пензионирал, дали умрел“ – рекол Фернандез. „Му се јавив и го прашав: Што правеше вчера? Претходниот месец, пред два месеци...? Не знаеше што да ми одговори“ – додал тој.
Пред судот, Гарсија тврдел дека бил жртва на малтретирање на работното место и дека кога ќе се појавел на работа, немало што да прави. Тој не ја пријавил ситуацијата зашто се плашел да не биде отпуштен, а требало да го издржува семејството.