Марго Роби ја заврши ерата на Барби стилот и навлезе во готски води за промотивната турнеја за новиот филм.
Атрактивната актерка моментално е посветена на промоција на „Оркански височини“, во кој ја има главната улога на Кетрин Ерншо, па под окото на стилистот Ендрју Мукамал, експериментира со мрачни нијанси и креации кои зрачат со меланхолија и драматичност.
За гостувањето во шоуто на Џими Кимел, холивудската ѕвезда избра црн романтичен фустан од Александар Меквин и сандали со Т-ремче.
И нејзиниот претходен стајлинг беше модернистичка верзија на облеката на ликот на Кетрин. Станува збор за креација од Роберто Кавали.
35-годишната убавица во „Wuthering Heights“ (Оркански височини) глуми заедно со Џејкоб Елроди, кој влегува во улогата на Хитклиф.