„Секој чекор вредеше“: Мајка во видео го покажа патот кој го помина за да добие бебе со ин витро

Патот до вонтелесно оплодување и забременување со ин витро не е лесен и секогаш е емотивен за оние кои го поминуваат.

Реми Ишизука сподели видео во кое покажа моменти од нејзиното ин витро патување за да им даде надеж на оние кои се соочуваат со неплодност. Во него се прикажани моментите кога таа морала да прима лекарства за стимулација на јајце клетките, добивањето на негативен тест, а потоа и среќната вест дека е бремена.

„Нашиот последен ембрион ни ја даде Офелија и кога ќе се навратам наназад, вредеше секој чекор“ – пишува Реми.

@rrayyme Our last embryo gave us Ophelia and looking back, every step was worth it #ivfjourney #ivf #ivfsuccess #miraclebaby #ttc #infertility ♬ original sound - Remi Ishizuka

Популарната блогерка и нејзиниот сопруг Нејт решиле да започнат со обидите за зачнување во 2019 година. Но, бидејќи Нејт имал две повреди на тестисите во минатото, одлучиле да направат испитувања кои покажале низок број на сперматозоиди.

На парот му било соопштено дека ќе мора да започне постапка за вонтелесно оплодување. На крајот од процедурата, парот имал два ембриони соодветни за трансфер. Првиот трансфер бил неуспешен, но вториот им ја „подарил“ ќеркичката Офелија.

Сега, парот живее на фарма и има многу посмирен начин на живот заедно со малата ќеркичка. Реми вели дека бројот на сперматозоиди се зголемил откако се иселиле од градот и го намалиле стресот во нивниот живот.

@rrayyme Just another day on the farm Eggs, tractors, diapers—and all the hands-free help from @simplehuman! #FarmDad #dadsoftiktok #simplehumanpartner #iykyk ♬ Break My Stride - Matthew Wilder

Многу жени се пронајдоа во видеото на Реми и го споделија своето ин витро искуство во коментарите.

„Нашиот син исто така беше нашиот последен ембрион“, „Јас сум ин витро мајка. Патувањето беше многу емотивно, но вредеше“, „И јас го правев ова самата. Тие инјекции воопшто не беа забавни. Уф. Повторно ги чувствувам додека го гледам ова. И јас имав еден единствен ембрион и сега е мојата омилена мала личност на целиот свет“ – се само дел од коментарите.