Се засрами дека е несредена, тој ѝ порача дека е преубава: Арина Сабаленка сподели интимни моменти по веридбата
Откако го прифати предлогот за брак од Георгиос Франгулис, Арина Сабаленка им дозволи на фановите да „ѕирнат“ во нејзиниот личен живот.
Белоруската тенисерка одблиску го покажа и впечатливиот веренички прстен со голем дијамант изработен по нарачка. Таа шеговито напиша:
„Конечно можам да го наречам и поинаку – ВЕРЕНИК 💍“ – откривајќи колку е среќна по веридбата.
Запросувањето се случило во момент кога Арина воопшто не го очекувала тоа, па била во сосема обично и опуштено издание со фармерки, бел топ и апостолки. За својот изглед, таа се пошегува на социјалните мрежи.
„Погледнете како изгледам“ – вели таа во видеото, а нејзиниот вереник ѝ возвраќа: „Преубава си“.
Талентираната спортистка и претходно знаеше на шега да му „врши притисок“ на партнерот за да ја побара да му биде жена. За време на турнирот Brisbane International во јануари, таа низ смеа изјави дека се надева наскоро ќе може да го нарекува поинаку.
Сабаленка и Фрагнулис за првпат беа видени заедно во април 2024 година. Нивната врска започна кратко време по трагичната смрт на нејзиниот поранешен партнер, хокеарот Константин Колцов.
