Се сеќавате на Марибел од серијата „Руби“? Убавата актерка позираше во складна облека со ПЕТТЕ ќерки на Божиќ

Ако пред две децении ја следевте мексиканската теленовела „Руби“, нема како да не се сеќавате на скромната и наивна девојка Марибел.

Жаклин Бракамонтес, која во серијата ја имаше улогата на Марибел, денес е успешна актерка и водителка, а е и мајка на пет девојчиња. 46-годишната Мексиканка покажа како изгледа денес нејзиното големо семејство.

На фотографиите од фамилијарната божиќна фотосесија, Жаклин позира во бордо кадифен фустан координиран со комбинациите кои ги носат нејзините принцези, додека нејзиниот сопруг Мартин е облечен во бело.

Жаклин стапи во брак со бизнисменот Мартин Фуентес во 2011 година. Во 2013 година, таа роди близначиња, момче и девојче, но за жал, момчето почина како последица на респираторни компликации.

Во 2014 година, парот се израдува на раѓањето на нивната втора ќеркичка Каролина, а во 2016 година, на овој свет дојде и нивната трета ќерка Рената. Близначките Емилија и Паула се родени во декември 2018 година.